Në këto momente po luhet ndeshja e xhiros së 32-të të Superligës së Turqisë ndërmjet Sivassporit dhe Fenerbahçes dhe fillimi i ndeshjes u shënua me një dëmtim të rëndë të futbollistit mysafir Enner Valencia.
Është luajtur minuta e tetë e kësaj ndeshje kur portieri vendas Ali Sasal Vural, duke dashur të boksojë topin pas një krosimi, goditi me grusht në kokë sulmuesin e Fenerbahçes, Enner Valencia.
Futbollisti nga Ekuadori më pas ra në terren “sikur i kositur” dhe humbi automatikisht ndjenjat.
Valencia, Ali Şaşal Vural çarpışması sonrasında yerde kaldı ve ambulans çağrıldı. pic.twitter.com/0tMAyyOT92
— Süper Lig – Anlık Goller (@golsuperlig23) April 29, 2023
Ekipi mjekësor i skuadrës nga Stambolli mbërriti me shpejtësi dhe kolegët e klubit vendas iu desh t’i vinin në ndihmë, si dhe një ambulancë, automjeti i së cilës duhej të hynte në fushë.
Disa lojtarë u kapën nga paniku pasi ekuadoriani ra pa ndjenja, por Valencia u zgjua shpejt dhe u dërgua në një spital aty pranë. Ende nuk dihet shkalla e lëndimit të tij.
Në vend të tij, në lojë hyri uruguaiani Diego Rossi, i cili pak më vonë shënoi gol dhe mysafirët ende prijnë me 1:0.
Nëse Fener do ta fitonte këtë ndeshje jashtë fushe, do t’i afrohej rivalit të madh Galatasaray, i cili është lider me vetëm tre pikë më shumë dhe që nesër do të luajë një derbi të madh me Besiktashin.
