Mbështetësit e grupit terrorist shfaqën një pankartë të PKK-së mbi një urë në rrugën Kungsgatan të qytetit, duke brohoritur parulla në mbështetje të organizatës terroriste
Mbështetësit e grupit terrorist PKK/YPG organizuan një demonstratë të paautorizuar në Stokholm, transmeton Anadolu Agency (AA).
Mbështetësit e grupit terrorist shfaqën një pankartë të PKK-së mbi një urë në rrugën Kungsgatan të kryeqytetit suedez, duke brohoritur parulla në mbështetje të organizatës terroriste.
Pamjet video të postuara më vonë në një llogari të mediave sociale të lidhur me grupin terrorist shfaqin përgatitjet për të mbajtur një demonstratë në shkallë të gjerë të planifikuar më 21 janar në kryeqytetin suedez.
Suedia dhe Helsinki nënshkruan një marrëveshje me Türkiye-n në qershor, sipas së cilës ata nuk do të ofrojnë mbështetje për PKK-në dhe degët e saj, ose për Organizatën Terroriste FETO, grupi që qëndron pas grushtit të shtetit të mposhtur të vitit 2016 në Türkiye. Ankaraja ka kërkuar gjithashtu ekstradimin e të dyshuarve për terrorizëm.
Zyrtarët turq, përfshirë presidentin Recep Tayyip Erdoğan, kanë paralajmëruar se Türkiye nuk do të miratojë anëtarësimin e tyre derisa të adresohen shqetësimet e saj.
Kryeministri suedez Ulf Kristersson dhe Sekretari i Përgjithshëm i NATO-s Jens Stoltenberg vizituan kohët e fundit Türkiye-n për të diskutuar synimet për anëtarësim, për çka nevojitet miratim unanim nga 30 anëtarët e aleancës.
Në fushatën e saj terroriste më shumë se 35-vjeçare kundër Türkiye-s, PKK, e listuar si një organizatë terroriste nga Türkiye, SHBA dhe BE, ka qenë përgjegjëse për vdekjen e më shumë se 40 mijë njerëzve, duke përfshirë gra, fëmijë dhe foshnja. YPG është dega e siriane e PKK-së.
