Futbollistët e skuadrave të mëdha janë ndër sportistët më të paguar në botë, dhe shpesh njerëzit e shohin punën e tyre me një neveri të vogël, sepse mendojnë se fitojnë shumë para për “ndjekjen e topit”.
Aq shpesh dëgjojmë që mjekët kryesorë që shpëtojnë jetë njerëzish për gjithë jetën e tyre të punës nuk fitojnë aq para sa fiton një futbollist në një klub të madh për rreth 50 ndeshje në një sezon.
Por ka një lojtar që do të fitojë pesë milionë euro në më pak se një orë në fushë.
Bëhet fjalë për sulmuesin e Real Madridit, Mariano Diaz, i cili luajti vetëm në tetë ndeshje këtë sezon, dhe kaloi gjithsej 57 minuta në fushë.
Trajneri Carlo Ancelotti nuk po i jep shumë minuta për të luajtur këtë sezon dhe duke pasur parasysh se po hyjmë në fund të sezonit, është e vështirë të pritet që ai të thyejë kufirin e një ore në fushë. Megjithatë, ai do të ketë gjithsej 5 milionë euro në llogarinë e tij bankare për këtë sezon.
Sulmuesi nga Republika Domenikane u transferua te Reali nga Lyon në vitin 2018 për 21.5 milionë, dhe në pesë vjet ai ka bërë 81 paraqitje dhe ka shënuar 12 gola. Kontrata e tij skadon në fund të këtij sezoni dhe është e sigurt që 29-vjeçari do të largohet nga Madridi në fund të sezonit.
