Ministri i Jashtëm i Hungarisë, Péter Szijjártó, ka komentuar fazën e parë të negociatave mes Rusisë dhe SHBA-së për përfundimin e luftës në Ukrainë dhe ka theksuar se edhe një herë është dëshmuar se drejtuesit hungarezë kishin të drejtë.
Duke folur për takimin mes këtyre fuqive në Arabinë Saudite, Szijjártó përshëndeti fillimin e negociatave direkte.
“Prej tre vitesh kemi mbështetur këto negociata. Kur kemi thënë se duhet të mbajmë kanalet e komunikimit të hapura, të kërkojmë një zgjidhje diplomatike dhe të ruajmë marrëdhëniet me Rusinë, u sulmuam rëndë dhe u vumë në shënjestër nga politika ndërkombëtare. Kemi thënë se në fushën e betejës nuk ka zgjidhje për këtë konflikt dhe ishim të drejtë,” tha Szijjártó.
Kujtojmë se këshilltari kryesor i Kremlinit për politikën e jashtme, Yuri Ushakov, deklaroi se bisedimet mes delegacioneve kaluan mirë dhe ishin serioze për të gjitha çështjet.
Ai gjithashtu shtoi se të dyja palët ranë dakord që negociatorët të vazhdojnë diskutimet për Ukrainën dhe folën shkurtimisht për kushtet e nevojshme për një samit mes Putinit dhe Trumpit, edhe pse theksoi se është pak e mundshme që ai të mbahet javën e ardhshme.
