Tajvani “trazon” aeroplanët pasi Kina bën “inkursionin më të madh në zonën e mbrojtjes ajrore” të këtij vendi, që nga janari

Nga Tajvani thonë se ata kanë ngritur në fluturim aeroplanët e tyre luftarakë në mënyrë paralajmëruese ndaj 30 aeroplanëve të cilët u dërguan nga Kina në zonën e tyre të mbrojtjes ajrore.

Incidenti ajror i ditës së hënë ishte incidenti më i madh që nga janari i këtij viti.

Ky incident ndodhi disa ditë pas deklaratave të presidentit amerikan Joe Biden, i cili e paralajmëroi Kinën se çfarë do të ndodhë nëse ata pushtojnë ishullin.

Gjatë ditës së hënë, kur edhe ndodhi incidenti, një zyrtar amerikan udhëtoi në Tajvan për të diskutuar me liderët shtetërorë në lidhje me sigurinë e vendit, përcjell Telegrafi.

 

Kina intensifikoi misionet ajrore gjatë muajve të fundit, për të cilat ata deklaruan se janë vetëm stërvitje ushtarake.

Këto lëvizje kanë nervozuar Tajvanin dhe kanë ngritur edhe më shumë tensionet në atë rajon.

Kinezët nga ana e tyre e shohin Tajvanin si një provincë e cila u shkëput nga ta, provincë për të cilën thonë se në qoftë se duhet do t’a rimarrin edhe me forcë. /Telegrafi/

Kategoritë
BotaLajme