Eksportet kryesore të Kosovës drejt SHBA-së përfshijnë mobilie, tekstile dhe metale bazë, ndërsa importet dominohen nga produktet minerale, kimike dhe mjetet e transportit
Dhoma e Tregtisë dhe Industrisë Kosovë (DHTIK), ka pritur me shqetësim vendimin e presidentit të SHBA-së, Donald Trump, që t’i vendos eksporteve nga Kosova taksën prej 10 për qind, transmeton Anadolu.
Në një reagim të DHTIK-së, thuhet se vendimi i presidentit amerikan pritet ta godasë edhe më shumë eksportin, i cili nga Kosova drejt SHBA-së ka patur ulje gjatë muajve të fundit.
“Sipas të dhënave të Agjencisë së Statistikave të Kosovës, në dhjetor 2024, eksportet tona ishin 3.5 për qind, përderisa në muajin janar dhe shkurt 2025, ato ranë në 2.8 për qind, përkatësisht 2.5 për qind në muajin shkurt të këtij viti”, thuhet në reagim.
DHTIK njofton se edhe më herët ka alarmuar për një vendim të tillë nga SHBA-ja dhe ka “kërkuar nga institucionet që të shfrytëzojnë kanalet diplomatike për të mos ndodhur ky vendim”.
DHTIK i ka bërë thirrje qeverisë që t’u dalë në ndihmë bizneseve që atakohen nga ky vendim.
Eksportet kryesore të Kosovës drejt SHBA-së përfshijnë mobilie, tekstile dhe metale bazë, ndërsa importet dominohen nga produktet minerale, kimike dhe mjetet e transportit.
