Zëvendëspresidenti amerikan, JD Vance, ka komentuar tarifat e reja tregtare të vendosura nga administrata e presidentit Donald Trump, duke pranuar se ato mund të sjellin “dhimbje afatshkurtra”.
JD Vance deklaroi për Newsmax se rënia e djeshme e bursës – më e madhja që nga viti 2020 – ishte vetëm “një ditë e keqe”.
“Jo, do të kemi lulëzim të bursës edhe për një kohë të gjatë, sepse po investojmë sërish në Shtetet e Bashkuara të Amerikës”, tha ai.
JD Vance theksoi se këto ndryshime nuk do të sjellin rezultate të menjëhershme dhe kërkoi durim nga publiku amerikan.
Ndërkohë, tregjet financiare kanë reaguar negativisht ndaj këtyre tarifave, duke pësuar rënie të ndjeshme.
Indeksi S&P 500 ra me 4.8 për qind, duke shënuar humbjen më të madhe që nga viti 2020.
Vance minimizoi këto lëkundje të tregut, duke theksuar se administrata është e përkushtuar për të investuar në Shtetet e Bashkuara dhe për të mbështetur punëtorët dhe bizneset e vogla amerikane.
Ndryshe, administrata Trump u ka vendosur tarifa të gjitha vendeve botërore, duke përfshirë Kosovën me 10 për qind
