Kylian Mbappe është padyshim ylli më i madh i afatit kalimtar pasi ndërroi fanellën e Paris Saint Germain me atë të Realit, por interesant është fakti se francezi nuk është lojtari më i paguar në futbollin spanjoll.
Kylian Mbappe mbërriti falas në Real Madrid pasi kontrata e tij me PSG-në skadoi këtë verë, gjë që hapi mundësinë për të marrë një pagë të madhe që e thirri atë në radhët e gjigantëve madrilen. Megjithatë, dy futbollistë kanë një pagë më të lartë se ai në futbollin elitar spanjoll.
Anësori i madh francez me kontratë me Real Madridin do të marrë 31.2 milionë euro në vit, që mjaftojnë për “vetëm” vendin e tretë në listën e futbollistëve më të paguar në ligë. Çuditërisht, dy futbollistë të Barcelonës fitojnë më shumë se Mbappe.
❗️Frenkie de Jong and Lewandowski will earn more salary at Barça than Kylian Mbappé at Real Madrid.
— @90minFR pic.twitter.com/RFzkXbHO6s
— Madrid Universal (@MadridUniversal) July 20, 2024
Bëhet fjalë për Robert Lewandowski me një pagë vjetore prej 33.5 milionë euro dhe surprizën më të madhe në listë, Frenkie De Jong, i cili fiton 37.5 milionë euro në Barcelonë. Kjo është një surprizë sepse Barcelona prej vitesh është në probleme serioze financiare, gjë që ka rezultuar në kufizime të caktuara në sjelljen e futbollistëve.
Pas De Jong, Lewandowski dhe Mbappe, vjen David Alaba (22.5 milionë euro në vit), dhe Jan Oblak dhe Vinicius Junior, të cilët fitojnë secili nga 20.8 milionë euro në vit.
Jude Bellingham (18.7 milionë euro), Ilkay Gundogan (16.6), Federico Valverde (15) dhe Thibaut Courtois (14.5) janë 10 lojtarët më të paguar në futbollin spanjoll.
Të shtojmë gjithashtu se sensacioni më i madh i sotëm në futboll, i madhi Lamine Yamal, fiton vetëm 1.7 milionë euro në vit, por kjo shumë shpejt do të ndryshojë sepse me siguri Barcelona dëshiron ta mbajë për shumë vite në radhët e saj.
