Gjatë konferencës së djeshme për media të presidentit serb Aleksandar Vuçiq lidhur me masakrën në shkollën e Beogradit, gazetari i Nova S, Zheljko Veljkoviq, i ka bërë një pyetje Vuçiqit, pas së cilës ai ka mbetur pa fjalë.
“Ju thoni që fëmijët nuk shohin televizor, por a do të ishit ndryshe tani? Ju u treguat atyre fëmijëve fotografi të njerëzve të vrarë dhe të shtypur dhe folët për të gjitha këto. A mendoni se kjo mund të kontribuojë në këtë. A do të bënit të njëjtën gjë sot “, pyeti Veljkoviq presidentin e Serbisë.
Në atë moment, Vuçiq mbeti pa fjalë për një kohë jashtëzakonisht të gjatë, duke i ngulur sytë në hapësirë. Shprehja e tij tregonte se ishte i tronditur nga pyetja. Pas dhjetë sekondash heshtje, Vuçiq tha “Ou”, dhe tha se shpresonte të kishte ndonjë nderim.
“Shpresoja se do të kishte respekt për viktimat”, shtoi ai.
Snimak je ubrzo postao viralan na društvenim mrežama. pic.twitter.com/4TqqDk2g2l
— Al Jazeera Balkans (@AJBalkans) May 4, 2023
Ai vazhdoi duke thënë se mund të flasë për përgjegjësinë e tij.
“A është bërë sipas nevojës në atë shkollë. Është e vështirë për mua të them, por nuk shoh se çfarë mund të ishte ndryshe. Sa i përket përgjegjësisë sime dhe shfaqjes së fotove. Ato foto u shfaqën që diçka e tillë të mos do të ndodhë përsëri”, tha Vuçiq.
Ky moment nga konferenca e djeshme për shtyp është bërë virale në rrjetet sociale ku shumë janë dakord që gazetari ka bërë një pyetje të shkëlqyer.
