“Të përçarë drejt zgjedhjeve” të dielën zgjedhjet e përgjithshme në Bosnje Hercegovinë

Përçarjet etnike janë shtuar ndërsa Bosnje Hercegovina shkon drejt zgjedhjeve të përgjithshme me një Republika Srpska e cila kërcënon me pavarësi institucionale nga pushteti qendror. Sipas sondazheve tre presidentët, përfshirë liderin serb nacionalist Millorad Dodik mund të rizgjidhen.

Me ndarje etnike gjithnjë e më të thella, Bosnje Hercegovina do të mbajë zgjedhjet e përgjithshme të dielën mes kërcënimeve për shkëputje dhe frikës së trazirave të reja politike gati tre dekada pas luftës.

Vendi është i ndarë mes serbëve ortodoksë, kroatëve katolikë që kërkojnë më shumë autonomi dhe myslimanëve që bëjnë thirrje për një shtet të barabartë.

Për më shumë se dy dekada, Bosnja është qeverisur nga një sistem administrativ jofunksional i lindur nga Marrëveshja e Dejtonit të vitit 1995.

Dhe ndërsa marrëveshjet mund të kenë pasur sukses në përfundimin e luftës në vitet 1990, vendi është vyshkur mes paralizës politike që atëherë.

Bosnja midis entitetit serb të Republika Srpskas dhe federatës myslimane-kroate.

Me tre grupet kryesore të Bosnjës që rrallë përzihen pas luftës, partitë politike etnike kanë shfrytëzuar prej kohësh gabimet e vendit në një përpjekje për të ruajtur pushtetin, duke çuar qindra mijëra jashtë vendit në kërkim të mundësive më të mira.

Sipas sondazheve, pushtetarët aktualë që formojnë presidencën trepalëshe ka të ngjarë që të rizgjidhen, përfshirë liderin nacionalist të Republika Srpskas, Millorad Dodik.

Për muaj të tërë, Dodik ka nxitur tensione në lidhje me thirrjet e shpeshta që serbët e Bosnjës të ndahen nga institucionet qendrore të vendit.

Edhe pse Dodik ka pretenduar se Bosnja duhet të mbante një rol neutral ndaj luftës në Ukrainë në fjalimin e tij të mbylljes së fushatës u dëgjua ndërsa lavdëronte Rusinë.

“Rroftë Republika Srpska! Rroftë Serbia! Rroftë Rusia!” tha ai.

Shefik Izetbegoviç, djali i presidentit të parë të Bosnjës së pavarur, po kandidon për një mandat të tretë si presidenti i myslimanëve boshnjakë, por po përballet me konkurrencë të ashpër nga profesori i historisë Denis Beqiroviç.

I mbështetur nga 11 parti opozitare, Beciroviç po zotohet të luftojë për një Bosnjë pro-evropiane dhe të bashkuar.

Partia kryesore kroate dhe partitë e tjera kanë bërë thirrje për një mekanizëm për të lejuar komunitetin të emërojë përfaqësuesit e tyre në presidencë dhe në dhomën e lartë një veprim i kundërshtuar ashpër nga partia boshnjake në pushtet.

Frika për trazira të mundshme pas zgjedhjeve po rritet nëse presidenti aktual kroat Zheljko Komshiç i cili është kritikuar gjerësisht nga të gjitha partitë kroate do të rizgjidhet pas kërcënimeve të përsëritura nga nacionalistët, të cilët thonë se janë të përgatitur të zgjerojnë bojkotet në qeveri institucionet.

Kategoritë
LajmeRajoni