Të paktën 13 persona janë qëlluar në një incident gjatë orës së pikut të mëngjesit në një stacion metroje në New York, raporton BBC.
Sipas mediave lokale, të shtëna pati në stacionin e Rrugës 36 në Sunset Park rreth orës 08:30 me orën lokale (1330 GMT) të martën në mëngjes, transmeton Zeri.info.
Fotot nga vendi i ngjarjes tregojnë pasagjerë të gjakosur të shtrirë në dyshemenë e stacionit. Në vendngjarje janë gjetur edhe mjete shpërthyese të pashpërthyera.
Zyrtarët kanë paralajmëruar banorët që të shmangin zonën dhe të presin vonesa të metrosë.Të paktën katër linja treni thuhet gjithashtu se janë vonuar në të dy drejtimet.
Reaguesit e parë kanë konfirmuar se të paktën 13 persona janë plagosur.
I dyshuari i armatosur mbetet i lirë.
Departamenti i zjarrfikësve i New Yorkut i tha BBC-së se fillimisht mori një telefonatë për tym brenda stacionit.
Por zyrtarët mbërritën për të gjetur disa njerëz të qëlluar dhe të plagosur.
