Një tërmet me magnitudë katër shkallë sipas Rihterit ka goditur Kroacinë dhe është ndjerë edhe në disa pjesë të Bosnje dhe Hercegovinës.
Sipas të dhënave të EMSC-së, epiqendra ishte 16 kilometra larg Velika Goricës dhe 28 kilometra nga Zagrebi.
Qytetarët e Petrinjës dhe Siskës kanë shkruar, ndër të tjera, se “prej kohësh nuk ka pasur një tërmet kaq të fortë dhe të gjatë”.
Në disa zona të Bosnje dhe Hercegovinës, si Bužimi dhe Bosanska Kostajnica, tërmeti gjithashtu është ndjerë.
Një pjesë e Siskës ka mbetur pa energji elektrike në të njëjtën kohë, sipas mediave.
Sizmografët e Shërbimit Sizmologjik të Republikës së Kroacisë kanë regjistruar një tërmet mjaft të fortë me epiqendër pranë Taborishtës, saktësisht tre kilometra në juglindje të Petrinjës.
Shërbimi Sizmologjik i Kroacisë ka njoftuar se magnituda e tërmetit ishte 4,0 sipas shkallës së Rihterit.
