Si pasojë e krizës së bukës që Izraeli ka shkaktuar, njerëzit presin me orë të tëra në radhë për të blerë bukë nga furrat e bukës që prodhojnë sasi të kufizuara
Izraeli i cili ka shkelur marrëveshjen e armëpushimit në Rripin e Gazës, ka shkaktuar thellimin e krizës së bukës duke ndjekur një politikë “sistematike dhe të qëllimshme” të urisë dhe duke ndaluar hyrjen e ndihmave humanitare, raporton Anadolu.
Njerëzit në Rripin e Gazës, ku Izraeli ka shkelur marrëveshjen e armëpushimit dhe po ndjek një politikë “sistematike dhe të qëllimshme” të urisë duke ndaluar hyrjen e ndihmave humanitare, presin me orë të tëra në radhë për të blerë bukë nga furrat e bukës që prodhojnë sasi të kufizuara.
Si pasojë e krizës së bukës që Izraeli ka shkaktuar, njerëzit presin me orë të tëra në radhë për të blerë bukë nga furrat e bukës që prodhojnë sasi të kufizuara. Në qytetin Khan Younis, vërehen palestinezët, përfshirë gra e fëmijë të cilët krijojnë radhë para furrës për të marrë bukë.
Në një deklaratë nga Zyra e kryeministrit izraelit më 2 mars u tha se Netanyahu vendosi të ndalonte hyrjen e të gjitha furnizimeve me ndihma humanitare në Rripin e Gazës. Në vend të kalimit në fazën e dytë të marrëveshjes së armëpushimit dhe shkëmbimit të pengjeve në Rripin e Gazës, Netanyahu dëshiron që faza e parë të zgjatet deri në fund të Ramazanit.
Organizata e Kombeve të Bashkuara (OKB) ngriti alarmin për përkeqësimin e situatës humanitare në Rripin e Gazës dhe ka paralajmëruar se mbyllja e vazhdueshme e të gjitha vendkalimeve të ngarkesave po pengon rëndë dërgesat e ndihmave.
Zëdhënësi i OKB-së, Stephane Dujarric në një deklaratë tha se “Kolegët tanë të çështjeve humanitarë paralajmërojnë se mbyllja e fundit e të gjitha pikave të kalimit për mallra po zhbën përparimin kritik të bërë në ofrimin e ndihmës jetike dhe jetëshpëtuese për njerëzit në Gaza që kur armëpushimi hyri në fuqi më 19 janar”.
Që nga tetori i vitit 2023, të paktën 48.400 palestinezë janë vrarë, kryesisht gra dhe fëmijë si dhe më shumë se 111.800 të tjerë janë plagosur në sulmet brutale izraelite në Gaza.
