Tifozët e Barçës mund të marrin frymë të lehtësuar kur bëhet fjalë për qëndrimin e Gavi në klubin katalanas.
Trajneri Xavi ka zhvilluar një bisedë me mesfushorin 18-vjeçar dhe ka marrë një premtim se Gavi do të qëndrojë në klub, raporton Katalan Sport.
Gavi së fundi nënshkroi një zgjatje të kontratës me Barcelonën, ai mori edhe numrin 6 që dikur mbante Xavi, por liga e anuloi sepse Barça e kaloi “kapakun e pagave”.
Gavi është rikthyer në një kontratë amatore deri në fund të këtij sezoni dhe nëse Barcelona nuk e rregullon situatën e pagave, ai do të bëhet lojtar i lirë. Thuhet se Chelsea tashmë ka kontaktuar Gavi dhe një “alarm i kuq” ka rënë në Camp Nou dhe vetë Xavi është dashur të ndërhyjë.
Biseda, për lumturinë dhe kënaqësinë e të gjithë tifozëve të Barcelonës, përfundoi me premtimin e Gavi se do të qëndrojë në klub dhe tani ata nuk kanë arsye të frikësohen se Chelsea do ta rrëmbejë atë “përpara hundës”.
