Trajneri i Spanjës, Luis Enrique, ka urdhëruar lojtarët e tij që të realizojnë të paktën 1000 penallti për të ardhur gati në Katar, por pas penalltive, ata përfunduan paraqitjen e tyre në Botëror.
Ashtu si në Kampionatin Evropian të vitit të kaluar, penalltitë ishin sërish fatale për Spanjën në Kampionatin Botëror të Katarit. Vitin e kaluar ishte Italia, dhe tani Maroku ishte më i mirë.
Interesant është fakti se spanjollët i humbën të tre penalltitë ndaj Marokut. Për shkak të gjithë kësaj, është e çuditshme që Enrique urdhëroi lojtarët e tij të ekzekutonin nga 1000 penallti secili përpara se të mbërrinin në Katar.
Deklarata u bë shpejt virale pasi Spanja u eliminua në penallti.
“Unë mendoj se të gjithë lojtarët më respektuan. Një vit më parë në kampin stërvitor spanjoll, i urdhërova që deri në Katar të gjithë duhet të marrin 1000 penallti. Nëse prisni derisa të vini këtu në Kupën e Botës dhe të praktikoni, nuk do të ndodhë. mjaft”, tha Enrique në një nga konferencat mediatike në Katar.
Spain have NOT done their homework, THEY'RE OUT!!
Luis Enrique set homework to practice 1000 penalties before the World Cup… 😬
Pens: 🇲🇦 3-0 🇪🇸 pic.twitter.com/Gm4yKF4Kji
— BBC Sport (@BBCSport) December 6, 2022
Enrique shtoi se penalltitë janë gjithnjë e më pak me fat, pasi portierët kanë gjithnjë e më shumë ndikim.
“Është momenti i tensionit maksimal, koha për të treguar nervat tuaja dhe për të qënë në gjendje të gjuani penalltinë ashtu siç keni vendosur, nëse e keni praktikuar 1000 herë. Mund të stërviteni, kontrolloni dhe menaxhoni tensionet. Është gjithnjë e më pak fat sepse Portierët kanë gjithnjë e më shumë ndikim”, shtoi Enrique.
Por as ato 1000 penallti nuk mjaftuan për të shënuar qoftë edhe një gol. Munguan Pablo Sarabia, Carlos Soler dhe Sergio Busquets.
