“Mbrëmë, presidenti Alafouzos dhe unë u takuam dhe vlerësuam së bashku situatën, ku pamë se planet tona për sezonin 2024-2025 nuk përputheshin”, ka njoftuar Terim.
Fatih Terim ka vendosur të ndahet me skuadrën e Superligës Greke, Panathinaikos, njoftoi sot trajneri veteran turk i futbollit.
“Që nga dhjetori i kaluar, skuadra ime dhe unë kemi bërë maksimumin në Klubin e Futbollit Panathinaikos, me të gjitha forcat tona, për të përfunduar sezonin 2023-2024 si kampion dhe për t’i bërë tifozët e Panathinaikosit të përjetojnë lumturinë që për fat të keq u ka munguar për 13 vjet”, tha Terim në Instagram.
“Mbrëmë, presidenti Alafouzos dhe unë u takuam dhe vlerësuam së bashku situatën, ku pamë se planet tona për sezonin 2024-2025 nuk përputheshin. Si rezultat i këtij takimi, u vendos që marrëdhëniet tona profesionale të mos vazhdojnë”, shtoi ai.
Shtatëdhjetëvjeçari Terim ka drejtuar më parë gjigantë turq dhe evropianë si Galatasaray, Fiorentina dhe AC Milan.
Nën trajnerin Terim, Galatasaray fitoi trofeun e nivelit të dytë të Evropës, Kupën UEFA, në vitin 2000 pasi mundi klubin anglez Arsenal në penallti.
Ai konsiderohet si një nga trajnerët më të respektuar në historinë e futbollit turk, duke fituar tetë tituj të Superligës me Luanët.
Terim ka drejtuar edhe ekipin kombëtar të futbollit turk, duke e çuar atë në gjysmëfinalen e Kampionatit Evropian të UEFA-s në vitin 2008.
