Presidenti i sapozgjedhur Donald Trump hyri në Capitol Rotunda për ceremoninë e betimit. Nënpresidenti i sapozgjedhur JD Vance hyri në sallë pak çaste para tij.
Vance ia shtrëngoi dorën presidentit Joe Biden teksa ai po shkonte drejt vendit të tij.
Trump ia dha dorën e i buzëqeshi Bidenit, ndërsa ai duartrokiti.
Vance pritet ta bëjë betimin, pas tij Trump, i cili më pas do të mbajë fjalimin inaugurues.
Tema e fjalimit do të jetë “rikthimi i besimit” në Amerikë, sipas një zyrtari të Shtëpisë së Bardhë, raporton CNN.
“Kthehem në presidencë i sigurt dhe optimist se jemi në fillimin e një epoke të re emocionuese të suksesit kombëtar. Një valë ndryshimi po përfshin vendin”, pritet të deklarojë Trump, sipas një fragmenti të fjalimit të përgatitur.
Pasi Trump ta mbajë fjalimin e tij inaugurues, ai do t’i japë lamtumirën Bidenin dhe zëvendëspresidentes Kamala Harris.
Trump do të marrë pjesë në një ceremoni në dhomën e nënshkrimit të presidentit dhe më pas në një drekë.
