Gjatë Regaip Kandilit në Sultanahmet, Elina Kvirikidze, një turiste ruse 35-vjeçare, pranoi fenë islame pasi mori një gështenjë nga Presidenti Recep Tayyip Erdoğan. Pas këtij momenti, ajo vizitoi Xhaminë e Sultanahmetit, ku shqiptoi shahadetin dhe u bë myslimane.
Kvirikidze tha: “Allahu ma dërgoi gështenjën përmes duarve të Erdoğan-it. Ishte një shenjë për mua dhe vendosa të bëhem myslimane.”
Ngjarja ndodhi teksa Presidenti Erdoğan shpërndante gështenja në sheshin Sultanahmet dhe bisedonte me turistë. E emocionuar nga ky takim, Elina vizitoi qendrën informative të xhamisë, ku mësoi më shumë për besimin islam dhe më pas pranoi zyrtarisht fenë.
Momentet e saj të shahadetit u dëshmuan nga vullnetarët Mervenur Tandoğan dhe Beyzanur Öztürk, të cilët e ndihmuan dhe i shpjeguan parimet e Islamit. Sipas tyre, Elina u emocionua thellësisht dhe tha se ndjente një paqe të madhe shpirtërore pas këtij vendimi./Gazeta e Re
