Vetin Begdas, tre muajsh e gjysmë, i quajtur “Gizem” nga punonjësit e shëndetësisë, që do të thotë “mister” në turqisht, u shpëtua në provincën Hatay 128 orë pasi dy tërmete të fuqishme goditën jugun e vendit më 6 shkurt.
Foshnja e cila ishte nën rrënoja për 128 orë pas tërmetit shkatërrues në Turkiye është kthyer me nënën e tij pas 54 ditësh, raporton Anadolia.
Vetin Begdas, tre muajsh e gjysmë, i quajtur “Gizem” nga punonjësit e shëndetësisë, që do të thotë “mister” në turqisht, u shpëtua në provincën Hatay 128 orë pasi dy tërmete të fuqishme goditën jugun e vendit më 6 shkurt. .
Vajza më pas u transferua në një spital në kryeqytetin, Ankara.
Ministrja e Familjes dhe Shërbimeve Sociale Derya Yanik ia dorëzoi foshnjën nënës Yasemin Begdas në provincën e Adanas, ku ajo aktualisht po trajtohet.
Foshnja dhe nëna u bashkuan falë një testi të ADN-së që vërtetoi lidhjen. Babai dhe dy vëllezërit e foshnjës humbën jetën nga tërmeti, i cili vrau më shumë se 50 mijë njerëz.
“Fëmija është me të vërtetë një mrekulli. Na habit fakti që ajo mbijetoi dhe nuk pati asnjë problem shëndetësor. Ajo tani është fëmija ynë”, tha Yanik.
