Ministria turke e Mbrojtjes ka bërë të ditur se takimi i parë teknik mes Türkiyes dhe Izraelit mbi një mekanizëm parandalues të konfliktit që synon shmangien e “incidenteve të padëshiruara” në Siri është mbajtur në Azerbajxhan.
Ministria turke tha se Izraeli duhet të ndërpresë menjëherë “sulmet provokuese” të cilat po kërcënojnë integritetin territorial të Sirisë dhe po destabilizojnë sigurinë dhe qëndrueshmërinë e vendit.
“Për të garantuar sigurinë rajonale, Izraeli duhet të braktisë qëndrimin e tij ekspansionist dhe pushtues, ndërsa komuniteti ndërkombëtar duhet ta parandalojë këtë paligjshmëri”, tha Ministria turke.
Më tej, Ministria gjithashtu tha se aktivitetet e vazhdueshme të Izraelit për ndërtimin e vendbanimeve të paligjshme në Bregun Perëndimor të pushtuar, sëbashku me dështimin për të ndaluar sulmet ndaj vendeve të rajonit, po dëmtojnë stabilitetin dhe paqen në rajon.
