Kompleksi ushtarako-industrial i Turqisë prej vitesh po arrin suksese teknologjike, dhe një nga projektet më të avancuara është zhvillimi i raketës balistike hipersonike Cenk, që po zhvillohet nga kompania Roketsan.
E zhvilluar nga Roketsani, raketa Cenk do të jetë raketa e parë balistike turke me rreze të mesme veprimi. Sipas të dhënave nga kompania, kjo raketë pritet të jetë raketa e parë hipersonike e prodhuar në Turqi.
Kompania Roketsan është një lider në fushën e raketave balistike dhe kohët e fundit ka prezantuar raketën balistike Tayfun me një rreze veprimi prej mbi 550 kilometrash. Pas raketës balistike me rreze të shkurtër veprimi Tayfun, Roketsani tani po zhvillon raketën Cenk.
Pritet që raketa Cenk, raketa e parë balistike turke me rreze të mesme veprimi, të ketë një rreze veprimi prej mbi 1.000 kilometrash.
Pas testeve të motorit që janë kryer me sukses, së shpejti pritet të kryhet lansimi i parë provë i raketës balistike Cenk.
