“Türkiye po ndërmerr hapa të shpejtë dhe të guximshëm për t’u bërë një nga destinacionet kryesore turistike në botë”, tha zëvendësministri i Kulturës dhe Turizmit, Nadir Alpaslan.
Türkiye synon të arrijë objektivin prej 100 miliardë dollarësh të ardhura nga turizmi deri në vitin 2028, që është dy herë më shumë se 46 miliardë dollarët e vitit të kaluar, tha zëvendësministri i Kulturës dhe Turizmit, Nadir Alpaslan, raporton Anadolu.
“Türkiye po ndërmerr hapa të shpejtë dhe të guximshëm për t’u bërë një nga destinacionet kryesore turistike në botë”, tha Alpaslan në një takim në provincën juglindore turke Gaziantep të mërkurën.
Ai shtoi se pasi pandemia e koronavirusit pengoi udhëtimet nëpër botë, Agjencia Turke e Promovimit dhe Zhvillimit të Turizmit ndihmoi sektorin të rimëkëmbet shpejt.
Të ardhurat e Türkiye-s nga turizmi arritën në 38.9 miliardë dollarë në vitin 2019, por ranë në 14.8 miliardë dollarë në vitin 2020 për shkak të kufizimeve të pandemisë.
Sipas të dhënave zyrtare, të ardhurat e Türkiye-s nga turizmi në vitin 2021 arritën në 30.2 miliardë dollarë, kurse vitin e kaluar u rritën në 46.3 miliardë dollarë.
