Udhëheqësi i Hezbollahut, Hassan Nasrallah zhvilloi një takim këtë të mërkurë me zyrtarë të lartë nga Hamasi dhe Xhihadi Islamik Palestinez, sipas një deklarat nga lëvizja islamike e mbështetur nga Irani.
Nasrallah u takua me një nënkryetar të Hamasit, Saleh Al-Arouri dhe sekretarin e përgjithshëm të Xhihadit Islamik Palestinez Ziad Nakhla, thuhet në deklaratë, por nuk specifikohej se ku u zhvillua takimi, shkruan CNN.
“Është bërë një vlerësim i asaj se çfarë duhet të bëjnë palët e boshtit të rezistencës në këtë fazë të ndjeshme për të arritur një fitore të vërtetë të rezistencës në Gaza dhe Palestinë dhe për të ndaluar agresionin tradhtar dhe brutal kundër popullit tonë”, thuhet në deklaratë.
Zyra e shtypit e Hezbollahut lëshoi gjithashtu të mërkurën në mëngjes një letër të shkruar me dorë nga Nasrallah që lavdëron ata që kanë vdekur duke luftuar kundër Izraelit – deklarata e tij e parë që nga fillimi i luftës./abcnews.al
