Udhëheqësit evropianë u mblodhën mes shqetësimeve nga angazhimi i drejtpërdrejtë i presidentit amerikan Donald Trump me Rusinë dhe synimi i administratës së tij për të përjashtuar BE-në nga bisedimet e paqes
Sot në Paris ka nisur një takim urgjent për Ukrainën, i thirrur nga presidenti francez Emmanuel Macron, raporton Anadolu.
Udhëheqësit evropianë u mblodhën mes shqetësimeve të shkaktuara nga angazhimi i drejtpërdrejtë i presidentit amerikan Donald Trump me Rusinë dhe synimi i administratës së tij për të përjashtuar BE-në nga bisedimet e paqes në Ukrainë.
Në samit marrin pjesë liderët e Mbretërisë së Bashkuar, Gjermanisë, Polonisë, Italisë dhe Danimarkës, si dhe Sekretari i Përgjithshëm i NATO-s Mark Rutte dhe presidentja e Komisionit Evropian Ursula von der Leyen, krahas mikpritësit Macron.
Takimi pritet të përqendrohet në sigurinë evropiane dhe mënyrën se si të ruhet mbështetja për Kievin mes ndryshimit të prioriteteve të SHBA-së.
Kjo vjen pasi Trump diskutoi luftën në Ukrainë me homologun e tij rus Vladimir Putin, duke kapur Kievin dhe aleatët në befasi.
Washingtoni ka paralajmëruar gjithashtu NATO-n se Evropa nuk do të jetë më prioriteti i saj kryesor i sigurisë pasi fokusi do të jetë ndaj Kinës.
