Për çmimin futbollisti i vitit do të garojnë golashënuesi i Real Madridit Karim Benzema, portieri i Real Madridit Thibaut Courtois dhe mesfushori nga skuadra Manchester City, Kevin De Bruyne
UEFA njoftoi se Karim Benzema, Thibaut Courtois dhe Kevin De Bruyne janë nominuar për çmimin “Futbollisti i vitit në Evropë” për sezonin 2021-2022, transmeton Anadolu Agency (AA).
Sipas një deklarate nga UEFA, njoftohet se lista e kandidatëve e përbërë prej 3 personash është përcaktuar pas një votimi të kryer nga gazetarë të vendeve të ndryshme dhe drejtorë teknikë të cilët sezonin e kaluar kanë drejtuar ekipe që janë përballur në grupet në Champions League, Europa League dhe në Europa Conference League.
Për çmimin futbollisti i vitit do të garojnë golashënuesi i Real Madridit Karim Benzema, portieri i Real Madridit Thibaut Courtois dhe mesfushori nga skuadra Manchester City, Kevin De Bruyne.
Çmimet futbollisti i vitit dhe drejtori teknik i vitit do të njoftohen gjatë shortit të grupeve të UEFA Champions League i cili do të zhvillohet më 25 gusht në Istanbul.
Emrat që do të garojnë për çmimin drejtori teknik i vitit janë:
Carlo Ancelotti (Itali – Real Madrid)
Josep Guardiola (Spanjë – Manchester City)
Jürgen Klopp (Gjermani – Liverpool)