Ushtria izraelite theu armëpushimin e arritur me Hamasin dhe filloi sulme ajrore të gjera në Rripin e Gazës. Në këto sulme, të paktën 59 palestinezë humbën jetën.
Izraeli, duke prishur marrëveshjen e armëpushimit të arritur me Hamasin me propozimin e presidentit amerikan Donald Trump, shpalli fillimin e një sulmi të ri të gjerë ndaj Rripit të Gazës.
TË PAKTËN 59 PALESTINEZË KANË HUMBUR JETËN
Ushtria izraelite nisi përsëri sulme ajrore të gjera kundër objektivave që pretendon se i përkasin Hamasit në Gaza.
Gjatë sulmeve ajrore të kryera në Rripin e Gazës, të paktën 59 palestinezë, përfshirë fëmijë, humbën jetën dhe shumë të tjerë u plagosën.
Nga ana tjetër, Izraeli njoftoi se ka marrë vendim për të kufizuar aktivitetet civile pranë Rripit të Gazës.
Sipas lajmit të agjencisë palestineze WAFA, në sulmet izraelite ndaj Gazës janë vrarë dhe plagosur shumë njerëz.
SULMET E USHTRISË IZRAELITE NDAJ GAZËS
Raportohet se ushtria izraelite ka bombarduar çadrat e palestinezëve të zhvendosur në rajonin el-Mevasi të qytetit Han Junis, në jug të Gazës.
Në këtë sulm, shumë palestinezë humbën jetën dhe dhjetëra të tjerë u plagosën.
Gjithashtu, avionët luftarakë izraelitë bombarduan një shkollë ku ishin strehuar palestinezët e zhvendosur në lagjen ed-Derec të qytetit të Gazës dhe tre shtëpi në lagjen Tel el-Heva.
U raportua se avionët luftarakë izraelitë kishin shënjestruar edhe kampet e refugjatëve Burec dhe Nusejrat në pjesën qendrore të Gazës.
Në sulmet e ushtrisë izraelite, shumë palestinezë, përfshirë gra dhe fëmijë, kanë humbur jetën.
Gjithashtu, raportohet se në rajonin Abasan el-Kebira të qytetit Han Junis në jug të Gazës ka të plagosur si pasojë e sulmeve izraelite.
Për shkak të bombardimeve izraelite, ekipet e kërkim-shpëtimit po hasin vështirësi serioze për të arritur në zonat e goditura.
IZRAELI DEKLARON SE DO TË VIJOJË SULMET NDAJ GAZËS ME INTENSITET TË RRITUR
Në një deklaratë nga Zyra e Kryeministrit të Izraelit u bë e ditur se Kryeministri Binyamin Netanyahu dhe Ministri i Mbrojtjes Yisrael Katz kanë dhënë urdhër për të vepruar me forcë kundër Hamasit në Gaza.
Në deklaratë pretendohej se Hamas kishte refuzuar të lironte pengjet izraelite në Gaza dhe kishte hedhur poshtë propozimet e ndërmjetësuesve, duke u përdorur kjo si arsye për nisjen e sulmeve.
Po ashtu, u pretendua se ushtria izraelite po godiste objektiva të Hamasit në Gaza për të arritur qëllimet e saj të papërmbushura që nga 7 tetori 2023 dhe për të siguruar lirimin e pengjeve izraelite.
Në deklaratë u theksua se Izraeli do të vazhdojë të veprojë kundër Hamasit me “fuqi ushtarake në rritje”.
U bë e ditur se plani i sulmeve ishte përgatitur javën e kaluar nga ushtria izraelite dhe ishte miratuar nga niveli politik.
