Në veri të Irakut janë neutralizuar 7 terroristë të organizatës separatiste terroriste PKK.
Në një postim të bërë nga llogaria në rrjetet sociale të Ministrisë së Mbrojtjes Kombëtare thuhet: “Ne vazhdojmë t’i godasim foletë e terrorit. 7 terroristë të PKK u neutralizuan në rajonin e operacionit ‘Kthetra-Kyçi’, i cili vazhdoi me sukses në veri të Irakut.”
Nga ana tjetër, bëhet e ditur se është penguar përpjekja e YPG/PKK-së, një organizatë terroriste, e cila është e pranishme në zonën rurale të rrethit Manbij në veri të Sirisë, për të depërtuar në vijat e frontit të Ushtrisë Kombëtare Siriane (SNA) në rajonin Bab të Halepit.
YPG/PKK u përpoq të depërtonte në vijën e frontit të Ushtrisë Kombëtare Siriane gjatë natës në fshatin Acemi në lindje të Al-Bab, i cili u pastrua nga terroristët me operacionin “Mburoja e Eufratit” (nga Forcat e Armatosura Turke).
Terroristët, të cilët pësuan viktima si pasojë e reagimit të elementëve të Ushtrisë Kombëtare Siriane me armë të rënda, u detyruan të tërhiqen pas rreth dy orësh luftime.
YPG/PKK kërcënon zonat e sigurta të krijuara nga operacionet e Turqisë në veri të vendit me tentativat e saj të herëpashershme për infiltrim dhe sulme me raketa në rrethin e pushtuar të Manbijit.
