Vajza e bashkëpunëtorit të ngushtë të Vladimir Putinit, Aleksandër Dugin u vra nga një makinë bombë pranë kryeqytetit rus të shtunën mbrëma.
Sipas mediave ruse, shpërthimi ka ndodhur teksa Daria Dugina po kthehej në shtëpi.
Babai i saj, i cili është quajtur “kryeministri i Putinit”, do të ishte gjithashtu në makinë, por Aleksander Dugin mësohet se vendosi në minutën e fundit që ata të ktheheshin me makina të veçanta nga një ngjarje ku morën pjesë të shtunën mbrëma.
Besohet se objektivi i sulmit ishte babai i saj, filozofi rus Aleksandër Dugin.
Videot e postuara në platformën Telegram dyshohet se tregojnë Dugin duke parë i shokuar teksa ekipet e shpëtimit mbërrijnë në vendin e shpërthimit, ndërsa makina me vajzën e tij si pasagjer merr flakë.
Burime policore i thanë agjencisë së lajmeve Tass se një shofere femër u vra kur një SUV shpërtheu në fshatin Bolshiye Vyazemy.
Edhe pse ende nuk ka informacion se kush mund ta ketë vendosur mjetin shpërthyes, kreu i DPR në Donetsk, Denis Pushilin, fajësoi “terroristët” ukrainas për shpërthimin.
“Terroristët e regjimit ukrainas tentuan të vrasin Aleksandër Dugin dhe vranë vajzën e tij në një makinë”, shkroi ai në Telegram.
Darya Dugina, Daughter of Aleksandr Dugin, often referred to as "Putin's brain", was assassinated in a car explosion near Moscow. pic.twitter.com/Mv6ELskCHK
— Nguyen Ken (@NguyenK68421403) August 21, 2022
Daria Dugina ishte një gazetare që kishte mbështetur luftën në Ukrainë dhe ishte sanksionuar më parë nga SHBA dhe Rusia duke akuzuar gruan 30-vjeçare për kontribut në përhapjen e “propagandës”.
Në maj, ajo e përshkroi luftën si një “përplasje qytetërimesh” në një intervistë dhe shprehu krenarinë që ajo dhe babai i saj ishin sanksionuar nga Perëndimi.
Babai i saj u sanksionua gjithashtu nga SHBA në 2015 për përfshirjen e tij të dyshuar në aneksimin e Krimesë nga Rusia.
Shkrimet e tij vlerësohen se kanë një ndikim të thellë në botëkuptimin e Vladimir Putinit, dhe ai konsiderohet arkitekti kryesor intelektual i ideologjisë ultra-nacionaliste të mbajtur nga shumë njerëz në Kremlin.
Për vite me radhë, Dugin i ka bërë thirrje Moskës që të afirmohet në mënyrë më agresive në skenën botërore dhe ka mbështetur veprimet ushtarake ruse në Ukrainë.