Problemet me energji elektrike kanë vazhduar edhe sot si shkak i erërave të forta që ka pasur gjatë natës së mbrëmshme dhe sot dhe rajonet më të goditura janë Prizreni, Gjakova e Peja, raporton Ekonomia Online.
Kompania Kosovare për Distribuim të Energjisë Elektrike, KEDS ka njoftuar se si shkak i kësaj situate, aktualisht disa dalje janë jashtë funksionit.
“Vendi ynë edhe përgjatë natës së mbrëmshme dhe sot po vazhdon të jetë i përfshirë nga erëra të forta, shkaku i të cilave aktualisht disa Dalje janë jashtë funksionit. Rajonet më të goditura janë Prizreni, Gjakova dhe Peja. Paralajmërimeve se edhe gjatë ditës së sotme vendi ynë do të jetë i goditur me stuhi, KEDS-i i është përgjigjur me mobilizimin e ekipeve të shumta, të cilat ndodhen në terren dhe po punojnë me përkushtim e në mënyrë intensive në mënyrë që gjendja t’i rikthehet normalitetit”, thuhet në njoftimin e KEDS-it.
