Vedat Muriqi ka arritur majat e futbollit, ku po konsiderohet si një nga sulmuesit më të mirë në La Liga.
Ylli nga Prizreni është një “mbret” te Mallorca, por asnjëherë nuk i ka harruar rrënjët e tij.
Në një video të publikuar nga faqja zyrtare e klubit spanjoll, Muriqi shihet duke prezantuar fanellën e Lirisë, klubit të tij të fëmijërisë.
“Pirati ka marrë një surprizë shumë të veçantë. FC Liria ka përgatitur një fanellë përkujtimore për Vedat Muriqin”, ka shkruar Mallorca në Facebook.
Kujtojmë se Liria këtë vit do të bëj gara në Ligën e Parë pas një viti të dështuar në Superligë.
