Presidentja, Vjosa Osmani dhe bashkëshorti i saj, Prindon Sadriu do të marrin pjesë në ceremoninë e varrimit të Mbretëreshës Elizabeth II.
Presidenca ka njoftuar se ata do të jenë prezentë në ceremoninë e varrim të hënën.
“Të dielën, ata janë ftuar të marrin pjesë në pritjen e organizuar nga Mbreti Charles III për krerë shtetesh dhe bashkëshortët e tyre nga mbarë bota, të cilët do të jenë prezent në varrimin e Mbretëreshës së Mbretërisë së Bashkuar, Elizabeth II, e cila ndërroi jetë më 8 shtator”, thuhet në njoftimi e presidencës.
Mes tjerash është bërë e ditur se gjatë qëndrimit në Londër, Presidentja Osmani do të takohet edhe me Kryetarin e Dhomës së Përfaqësuesve të Parlamentit Britanik, Sir Lindsay Hoyle.
Në mesazhin e saj ngushëllues për vdekjen e Mbretëreshës Elizabeth II, Presidentja Osmani e ka cilësuar monarken më jetëgjatë në historinë e Mbretërisë së Bashkuar, frymëzim për brezat që vijnë dhe në të njëjtën kohë duke ngushëlluar popullin e Mbretërisë së Bashkuar, ka potencuar se ai i ka ardhur në ndihmë Kosovës në ditët më të errëta”, thuhet në njoftim.
