Vrasja e Khashoggi, SHBA i jep imunitet princit saudit bin Salman

Ndaj tij kishte ngritur një padi nga e dashura e gazetarit të vrarë në vitin 2018 në konsullatën Riad në Stamboll. Bin Salman ka të drejtë për këtë masë si kryeministër saudit

Administrata e Biden ka vendosur që Princit të Kurorës së Arabisë Saudite, Mohammed bin Salman, duhet t’i jepet imunitet në padinë e ngritur kundër tij nga e dashura e gazetarit të Ëashington Post, Jamal Khashoggi, për të cilin administrata ka thënë se u vra nën drejtimin e princit.

Kjo u raportua nga CNN, duke shpjeguar se kërkesa është bërë nga avokatët e Departamentit të Drejtësisë me kërkesë të Departamentit të Shtetit.

“Mohammed bin Salman, Kryeministri i Mbretërisë së Arabisë Saudite, është kreu aktual i qeverisë dhe në përputhje me rrethanat, është i imunizuar nga kjo padi”, thuhet në dokumentin që e cilëson vrasjen “të neveritshme”.

Kërkesa u depozitua pak përpara afatit të caktuar nga gjykata për të lejuar Departamentin e Drejtësisë të shprehte mendimin e tij në sallën e gjyqit për çështjen e imunitetit dhe për argumentet e tjera të përdorura nga princi në gjyq.

Khashoggi u vra dhe trupi i tij u copëtua në konsullatën saudite në Stamboll në vitin 2018.

Hatice Cengiz, e dashura e Kashoggi-t dhe organizata e të drejtave të njeriut me bazë në Uashington, e themeluar nga gazetari i vrarë disident, Daën, fillimisht ngritën një padi kundër bin Salman dhe 28 të tjerëve në tetor 2020 në Gjykatën Federale të Qarkut në Uashington duke deklaruar se vrasësit “rrëmbyen, idhën, droguan, torturuan dhe vranë” Kashoggi në konsullatën saudite në Stamboll. Trupi më pas u copëtua dhe mbetjet nuk u gjetën kurrë.

Kategoritë
BotaLajme