Vucic mohon se ka takim me Kurtin: S’ka takim, është Kurti që po i ikë

Presidenti i Serbisë, Aleksandar Vucic, mohoi pohimet se do të takohet me Kryeministrin e Kosovës, Albin Kurtin, e tha se “nuk është e saktë” dhe se “askush nuk e ka pyetur”, duke theksuar më tej se ai nuk i ikë asnjë takimi, e deri tani “kryesisht” ishte Kurti që i ka ikur takimit.

Presidenti serb Vucic ishte në një prej vizitave të tij të zakonshme në qarqet serbe ku premton gjëra të mëdha kur u pyet rreth një takimi të mundshëm mes tij dhe kryeministrit Kurti që është përfolur në korrik.
Vucic kishte përsëritur fjalët për presionin që po i bëhet ndaj Seerbisë rreth çështjes së Kosovës dhe sanksioneve ndaj Rusisë që sipas tij ai po iu përballon dhe po ruan lirinë e vendimit pa marrë parasysh presionin e kujtdo qoftë.

Ai adresoi edhe çështjen e hyrjes në Leposavic së Milan Radoicic, nënkryetari famëkeq i Listës Serbe që akuzohet për vrasjen e politikanit serb Oliver Ivanovic në Mitrovicën e Veriut. Vucic doli sfidues para gazetarëve dhe tha se Radoicic ka të drejtë të shkojë ku të dojë dhe si takon askujt ta ndalojë sipas tij.

“E ku do të duhej të qëndronte Radoicic, që është nga Kosova? Apo do të dëshironit që t’i urdhërojmë njerëzit të tërhiqen nga veriu i Kosovës në Serbinë qendrore? Ku rri Radoicic, në Kosovë apo jo, është çështje e tij private. S’ka të bëjë me shtetin dhe as që ka pasur. Dëshironi ta dëboni? A ka kuptim kjo ide e juaja” i pyeti Vucic

Vucic mohon se ka takim me Kurtin: S’ka takim, është Kurti që po i ikë

Të ngjajshmet