Presidenti i Serbisë, Aleksandar Vuçiç, ka folur për një pakt mes Kosovës dhe Kroacisë mbrëmë. Ky “pakt”, Vuçiç tha se është i dukshëm, ndërsa e akuzoi Kosovën se po dëshiron të shkaktojë tensione.
“Çfarëdo që të bëjmë, më thonë që po mashtroj dhe se po bëj gjithçka kundër tyre. Sa i përket Prishtinës e Zagrebit, është një pakt krejtësisht i dukshëm, nga mediat, deri te ai financiar dhe i sigurisë. Nuk është ndonjë befasi. Ka njerëz që mendojnë se vetëm një Serbi inekzistente është Serbi e mirë. Nuk ekziston për ta një Serbi që është mjaftueshëm e vogël. Dhe ata mendojnë se të gjithë paraardhësit e mi kanë qenë më të mirë”, tha Vuçiç.
Presidenti serb tha se “është logjike” që Zagrebi t’i lavdërojë paraardhësit e tij.
“Unë do të isha një lider i madh botëror nëse do ta lija Serbinë të shkelte dhe vendi ynë të shembet. Por nuk do ta bëj. Prandaj ju shihni nervozizëm tek ata, veçanërisht sepse ne i kapim ata për sa i përket PBB-së. Ju kujtohet që ata akuzuan së fundmi. me rrahjen e te burgosurve ne Petrinje dhe asnjehere ne jeten time nuk kam qene aty, sulmet e reja ne media do te nisin se shpejt”, tha ai, raporton B92.
Ai refuzoi të komentojë deklaratën e kryeministrit të Republikës së Kosovës, Albin Kurti, i cili tha dje se Serbia duhet të ndryshojë më shumë për ta arritur marrëveshjen përfundimtare.
Por Vuçiç pati komente për paralajmërimin e kryeministrit Kurti se nuk do të lejohet mbajtja e referendumit serb në Kosovë.
“Çfarë do të bëjnë, a do t’i çojnë në qendrat e votimit me tanke, dmth pasi nuk i kanë, me mjete të blinduara, nuk e kuptoj se pse u pëlqen të shkaktojnë tensione, është puna jonë të jemi me njerëz, ruani paqen dhe respektoni Kushtetutën tonë”, tha ai.
