Presidenti i Serbisë, Aleksandar Vuçiq, ishte sot në Novi Pazar për hapjen e rrugës së rikonstruktuar nga Novi Pazari në Tutin me gjatësi prej 20.5 kilometrash.
Vuçiq me atë rast u takua me anëtarët e jetës politike dhe fetare të Sanxhakut, ndër të tjera me kryetarin e Partisë për Drejtësi dhe Pajtim, Usam Zukorliq.
Në fjalën e tij pas ceremonisë së hapjes së rrugës së rindërtuar, Vuçiq ndër të tjera ka cituar një ajet nga Kur’ani.
Postao je hodža. Naš predsjednik Vučić više nije sto za jednog. pic.twitter.com/fLGH0oNou8
— veni_vidi_vici (@HuzejrovicA) October 10, 2022
Zgjodha suren El-Bekare, e cila përmban ajetin: “O besimtarë, jetoni në paqe të gjithë dhe mos ndiqni gjurmët e shejtanit, ai është me të vërtetë armiku juaj i hapur”, tha Vuçiq.
Kujtojmë se edhe Vuçiq sot tha se dëshiron më shumë boshnjakë në qeveri dhe në institucionet e tjera shtetërore në atë vend, madje më shumë se sa proporcionalisht u takon boshnjakëve.
“Si do ta shihni që ne i perceptojmë boshnjakët si motra dhe vëllezër, dhe jo si një trup të huaj kundër të cilit duhet të luftojmë”, tha Vuçiq.