Presidenti serb Aleksandar Vuçiq është takuar në Beograd me këshilltarin e liderit të Çeçenisë, Ramzan Kadyrov dhe me atë rast në shenjë mirënjohjeje ka marrë dhuratë një kostum tradicional çeçen, të cilin e ka veshur menjëherë.
Siç ka theksuar këshilltari i Kadyrovit, Turko Daudov, takimi i punës është mbajtur në zyrën e Vuçiqit dhe në fillim të bisedës Daudov ia ka përcjellë Vuçiqin përshëndetjet e Ramzan Kadirovit.
“Sot, kur ka një situatë të vështirë politike në botë, kur Rusia u ngrit për mbrojtjen e vlerave shpirtërore dhe tradicionale, dhe i tregoi Perëndimit refuzimin e saj ndaj ideologjisë së imponuar nga jashtë, mund të thuhet se e gjithë bota perëndimore u ngrit kundër. Me gjithë vështirësitë dhe presionet nga Evropa, lidershipi dhe populli i Serbisë jo vetëm e kundërshtuan, por edhe e përkrahën Federatën Ruse.Në këtë aspekt Ramzan Kadyrov më kërkoi të shpreh respektin tim dhe të përcjell se vëllau shekullor Marrëdhëniet e Serbisë dhe Rusisë kanë treguar edhe një herë fuqinë e tyre”, tha Daudov.
Vuçiq gjatë bisedës tha se askush nuk mund të dëmtojë marrëdhëniet mes Rusisë dhe Serbisë.
“Populli rus është populli ynë vëlla dhe historia e ka dëshmuar shumë herë. Prandaj, marrëdhëniet ruso-serbe nuk mund të shkatërrohen nën asnjë presion”, tha Aleksandar Vuçiq.
Në fund të takimit, Daudov i dhuroi Vuçiqit një kostum tradicional çeçen të përbërë nga pelerina dhe kapela dhe i tha se një kostum i tillë thekson forcën e popullit serb, i cili ka karakter të ngjashëm me malësorët.
