Presidenti i Serbisë, Aleksandar Vuçiq, dje gjatë një vizite në qytetin Žitorađa, në jug të Serbisë, humbi durimin pasi një qytetari në publik i ra telefoni ndërsa ai po mbante fjalim.
Vuçiq e ndërpreu për një moment fjalimin sepse nuk i pëlqeu që dikujt në turmë i tingëlloi celulari.
“Ej, do të pres unë që ti ta mbarosh bisedën. S’kam asnjë problem. E mbarove bisedën? A e mbarove? E mbarove?” – e pyeti disa herë Vuçiq, i ndërprerë nga zilja e telefonit, raporton Nova.rs.
“Mos më detyro të të nxjerr jashtë”
Meqë telefoni vazhdoi të bjerë, Vuçiq priti pak dhe më pas vazhdoi të fliste për “luftën e shtetit kundër terrorit që po zhvillohet prej katër muajsh në Serbi”, duke theksuar se përgjigjja duhet të jetë paqësore dhe demokratike.
Megjithatë, zilja u dëgjua sërish, dhe Vuçiq reagoi më ashpër, dukshëm i irrituar dhe pa durim.
“Majstor, po pse nuk del jashtë ti? A do? Mos më detyro të të nxjerr jashtë,” i tha personit Vuçiq me nervozizëm të dukshëm.
https://www.facebook.com/watch/?v=1245402260920374
