Një nga sekretet më të ruajtura në botë është gjendja shëndetësore e legjendarit Michael Schumacher pas një rënieje fatale gjatë skijimit në vitin 2013. Që atëherë, ka pasur vetëm deklarata të rastësishme nga familjarët apo miqtë, por kur ish-agjenti i gjermanit të famshëm vendosi të fliste, tronditi gjithë planetin.
Që nga viti 2013, Schumacher është larguar plotësisht nga jeta publike dhe askush nuk e di me siguri se si është gjendja e tij.
E panë vetëm familjarët që kujdesen për të dhe disa nga miqtë e tij më të ngushtë.
Mësohet se ai është në gjendje të keqe, por kanë gjetur një mënyrë për të komunikuar me të.
Willy Webber, ish-agjenti i shtatë herë kampionit të Formula 1, ka akuzuar familjen se ka gënjyer për gjendjen e tij aktuale. Ai beson se publikut i kanë fshehur shumë detaje, siç është fakti që ka qenë në gjendje kome të induktuar për gjashtë muaj dhe e dhemb që nuk e ka parë klientin dhe mikun e tij.
Ai filloi të punojë me gjermanin gjatë viteve 1980, kur Schumacher filloi të voziste në Formula 3, dhe më pas filloi ngritja e tij meteorike.
“Është e vështirë për mua… Jam përpjekur njëqind herë të kontaktoj me gruan e tij Korinën dhe ajo nuk më përgjigjej. Madje thirra shokun e tij Jean Tod dhe e pyeta nëse mund të shkoja në spital dhe ai më tha të prisja sepse ishte herët. Të nesërmen kur telefonova, askush nuk u përgjigj dhe unë jam ende i zemëruar për këtë”, tha Weber për “Gazeta delo Sport”.
Këto ishin fjalët për ditët e para pasi Schumacher pati një aksident në fund të vitit 2013, ai vazhdoi me të njëjtin ton.
“Ata u përpoqën të më largonin duke thënë se ishte herët dhe tani është vonë. Kanë kaluar nëntë vjet, mbase duhet të thonë se cila është e vërteta”, shtoi gjermani i famshëm që tronditi të gjithë me qëndrimin e familjes ndaj tij.
Ai donte të ruante privatësinë e familjes, por nuk mund të heshtte më.
“Që atëherë, kam dëgjuar vetëm gënjeshtrat e tyre. Pas gati dhjetë vitesh nga ky aksident i tmerrshëm, pothuajse nuk ka asnjë deklaratë zyrtare për gjendjen e tij, ndërsa herë pas here miqtë e tij të ngushtë publikojnë disa informacione. Për vite pas aksidentit i thosha vetes se nuk mund t’i ndryshoja gjërat dhe ai ishte si një djalë për mua. Edhe sot më dhemb të flas për këtë”, tha Weber.
Vitin e kaluar, Erika Riederer e përshkroi gjendjen e Schumacher si “vegjetative”, kështu që ajo sqaroi se çfarë saktësisht do të thoshte.
“Ai po merr frymë, zemra i rreh, por… A ka mundësi që të jetë në të njëjtën gjendje si para aksidentit? Nuk mendoj se ka ndonjë shans që kjo të ndodhë”.
