Dy yje të TikTok-ut në Nigeri u dënuan me fshikullime me kamzhik si dhe duhet të pastrojnë gjykatën për disa ditë pasi u tallën me qeverinë në rrjetet sociale.
Mubarak Isa Muhammed dhe Muhammed Bula u shpallën fajtorë për prishje të imazhit të guvernatorit të shtetit Kano, Abdullahi Ganduje. Të dy e pranuan vendimin dhe deklaruan se nuk do ta apelojnë atë.
Vitet e fundit, Nigeria ka regjistruar një numër të lartë influencerësh të cilët përdorin komedinë për të vënë në dukje çështje politike që shqetësojnë shoqërinë.
Mubarak Isa Muhammad dhe Muhammad Bala u arrestuan javën e fundit pasi kishin postuar disa video ndërsa akuzonin guvernatorin e Kano për grabitje të tokave dhe korrupsion.
Sipas prokurorëve, dy burrat kishin prishur imazhin e zyrtarit të lartë dhe me mesazhet e tyre kishin vënë në rrezik qetësinë publike.
Tashmë, yjet e TikTok duhet të goditën nga 20 herë me kamzhik dhe të pastrojnë gjykatën për 30 ditë pasi t’i kërkojnë falje personit që ironizuan në rrjetet sociale.
