Zbulohet logoja dhe slogani i “Eurovision 2023”

Eurovision 2023 pritet të mbahet në Liverpool, ndërsa do të ketë sloganin “United by Music”, me një vepër artistike që tregon zemrat që rrahin së bashku.

BBC theksoi se kjo “pasqyron vetë origjinën e konkursit”, i cili fillimisht u krijua si një eksperiment transmetimi për të bashkuar Evropën.

Ngjarja e sivjetme do të mbahet në Mbretërinë e Bashkuar, sepse është e rrezikshme ta organizosh atë në Ukrainë për shkak të luftës, marrë parasysh që grupi i tyre ‘Kalush’ u shpallën fitues në 2022.

Flamujt e të dy vendeve janë përdorur si frymëzim për skemën e ngjyrave.

Një ceremoni zyrtare, e organizuar nga Rylan Clark dhe AJ Odudu, do të transmetohet nga salla e St George’s në Liverpool në orën 19:00 të martën në BBC Two.

Shumica e vendeve pjesëmarrëse do të zbulojnë gjithashtu se në cilën gjysmëfinale do të konkurrojnë.

Gjysmëfinalet më 9 dhe 11 maj do të shohin 31 garues të pakësuar në 20 nga publiku – në një ndryshim të rregullave – përpara finales së madhe më 13 maj.

Mbretëria e Bashkuar, Franca, Spanja, Gjermania dhe Italia kualifikohen automatikisht në finale për shkak se paguajnë transmetuesit e tyre për të marrë pjesë.

Ukraina gjithashtu do të shkojë direkt në finale si fituese e vitit 2022.

Mbretëria e Bashkuar doli e dyta vitin e kaluar falë Sam Ryder me projektin “Space Man”.

Teksa zbuloi logon, Martin Green, drejtor menaxhues i ngjarjes për BBC, tha: “Identiteti i këtij viti përmbledh në mënyrë të përsosur partneritetin e mahnitshëm në të gjithë konkursin dhe më e rëndësishmja, fuqinë e muzikës për të bashkuar njerëzit në mbarë botën”.

Kategoritë
LajmeTë ndryshme