Presidenti ukrainas Volodymyr Zelensky ka thënë se beson se presidenti rus Vladimir Putin përfundimisht do të vritet nga një anëtar i rrethit të tij të ngushtë.
Meqenëse Rusia është goditur nga sanksione gjithnjë e më të rrepta për pushtimin e Ukrainës që nga shkurti i kaluar, kundërshtarët politikë të Putinit do të kërkojnë ta rrëzojnë atë, i tha Zelensko gazetarit Dmitri Komarov.
“Me siguri do të ketë një moment kur brishtësia e regjimit të Putinit të ndihet në Rusi. Pastaj mishngrënësi do të hajë mishngrënësin. Kjo është shumë e rëndësishme, do t’u duhet një arsye për ta justifikuar. Ata do të kujtojnë fjalët e Komarovit, Zelenskit. Ata do të kujtohen. Ata do të gjejnë një arsye për të vrarë vrasësin A do ta bëjë: do ta bëjë; kur: nuk e di”, tha Zelenski.
Më herët në një intervistë për Spiegel gjerman, Zelenski tha se beson se Putin sillet si Hitleri dhe se Ukraina dhe vendet e tjera nuk do ta falin atë për krimet që ka kryer.
Megjithëse Putin ka një rreth të ngushtë bashkëpunëtorësh, ka pasur një përçarje mes mercenarëve të Wagner-it dhe ushtrisë ruse, me të dyja palët që fajësojnë tjetrin për dështimet ushtarake.
