“Ky është një sulm terrorist kundër Ukrainës në vetëm një natë. Sa herë që dikush përpiqet të dëgjojë fjalën ‘paqe’ në Moskë, urdhërohet të kryejë këtë lloj sulmi kriminal”, tha Presidenti i Ukrainës, Volodymyr Zelenskyy
Presidenti i Ukrainës, Volodymyr Zelenskyy, tha se mbrëmë Rusia sulmoi Ukrainën me mbi 20 mjete ajrore pa pilot (UAV) dhe raketa, transmeton Anadolu.
Zelenskyy bëri një deklaratë në llogarinë e tij në rrjetet sociale në lidhje me sulmet e Rusisë ndaj Ukrainës.
Duke deklaruar se ushtria e Rusisë kreu sulme me më shumë se 20 UAV dhe raketa me origjinë iraniane mbrëmë, Zelenskyy tha: “Ky është një sulm terrorist kundër Ukrainës në vetëm një natë. Sa herë që dikush përpiqet të dëgjojë fjalën ‘paqe’ në Moskë, urdhërohet të kryejë këtë lloj sulmi kriminal. Sukseset e forcave ukrainase në tokë, në ajër dhe në det sjellin paqen më afër”.
Duke theksuar se sanksionet kundër Rusisë duhet të ndiqen dhe kjo forcon Kartën e Kombeve të Bashkuara (OKB), Zelenskyy tha: “Uniteti global mund të rivendosë stabilitetin global”.
Në deklaratën e bërë nga Shërbimi i Situatave Emergjente të Ukrainës, u tha se forcat ruse kryen sulme kundër qytetit të Rzhishchiv në rajonin e Kievit në mëngjes. Nga sulmi, 3 persona humbën jetën, 2 persona u plagosën dhe 4 të tjerë mbetën nën rrënoja.
