Zelenskyy mbërriti në bazën ajrore Ramstein në Gjermani për të marrë pjesë në një takim të Grupit të Kontaktit të Mbrojtjes së Ukrainës
Presidenti ukrainas, Volodymyr Zelenskyy, u ka bërë thirrje partnerëve perëndimor që të përshpejtojnë dërgesat e armëve dhe t’i japin Kievit lejen për të përdorur armë me rreze të gjatë për sulme thellë brenda territorit rus, transmeton Anadolu.
Zelenskyy mbërriti në bazën ajrore Ramstein në Gjermani për të marrë pjesë në një takim të Grupit të Kontaktit të Mbrojtjes së Ukrainës, ku këto çështje kritike pritet të jenë në krye të diskutimeve.
“Të gjitha armët nga paketat mbështetëse tashmë të shpallura duhet të arrijnë më në fund në brigadat tona luftarake. Dhe ne kemi nevojë për zgjidhje të forta ‘me rreze të gjatë’ nga partnerët tanë”, tha ai në Telegram.
Udhëheqësi ukrainas njoftoi gjithashtu planet për takime me sekretarin e Mbrojtjes të SHBA-së, Lloyd Austin dhe ministrin gjerman të Mbrojtjes, Boris Pistorius, të ndjekura nga bisedime të veçanta me kancelarin gjerman, Olaf Scholz.
Pas takimit në Gjermani, Zelenskyy është planifikuar të udhëtojë në Itali për të marrë pjesë në Forumin Ekonomik Ndërkombëtar Ambrosetti, për t’u angazhuar me përfaqësuesit e biznesit italian dhe për të zhvilluar bisedime me kryeministren Giorgia Meloni.
